فى بلد عجيبة جميلة روشة ولذيذة فيها كل حاجه اسمر على ابيض على قمحاوى
كل الديانات تلاقى
تاريخ والهرم اللى خلاص هيعفن من كتر الاجانب الاى كلام 7000 كام سنة
المهم يعنى مش هنحكى تواريخ البلد دى راحة على فين؟.
على راى العسيلى سايبنى ورايح على فين 
كل شوية واحد يطلعلنا بنغمة جديدة
يقولك انا ناصرى والتانى ساداتى والتالت تبع كابتن بيبو بهائى واليهود جاين بيقولو حقنا
وخش على المسلمين بقى الشيعة بتنتشر من تحت لتحت وعدوا الحدود
والجماعة الاقباط عمالين يسخنوا فنفسهم علينا يقولك دى ارضنا والمسلمين دول مش عارف ايه ويشتموا فينا
ويطلعلك بقى الاخوان شوية يعملوا كام عرض وبتاع
ويجى كام واحد متعرفش من سينا ولا فين يفرقعوا كام بومبة كدا من بتوع العيال
طيب وبعدين دا لسه مكلمناش على علمانين وشيوعين ووووو
تفتكروا عاوزينها تبقى عراق؟؟؟
غير كل الناس وعكس التيار والمسمار وضرب النار واكل لحم الحمار
بقول ان البلد دى بعد حسنى بيه هتبقى انيل من العراق وكلو هيدق فبعضو
صحيح كل شوية يقفشو فالناس والسرقة على ودنو وكل حاجه بس اهو احسن من العراق وربك يفررجها يعم
ايهما احسن نعيش فبلد كلها بتموت بعضها وكلها بتكره بعضها وقتل ودم واغتيال ودعارة او دولة اسلامية زى ايران؟ولا
بلد فيها شوية حرمية وكام عسكرى على ظابط بيضربوا فالبلد ويعذبوها؟
دلوقتى مين احسن مصر ولا العراق؟
واهم اللى يقولك البلد هتتحسن والحياة هتبقى بمبى بعد رحيل مبارك وحقبة حكمه
لا دا كل الطوائف دى هتبان وتطلع من تحت الارض كدا وقلب فلم العراق بقى تانى
حسنى مش قريبى ولا من بقيت عيلتى بس العقل والحق احق من اى احق ولازم نقول كلام بهدوء
وانا اتمنى ان يمسك مصر فالمستقبل القريب صدام جديد بيد من حديد ولا العراق الحالى!!!
ملف الطوائف قريبا عشان المستخبى يبان
